នគរបាលខេត្តកំពតបង្ក្រាបករណីប្រើប្រាស់និងចែកចាយគ្រឿងញៀន ឃាត់ខ្លួនមនុស្ស៦នាក់
09-March-2018 | ដោយ ពលមនសិការ
កំពត ៖ កម្លាំងជំនាញខេត្តសហការជាមួយកម្លាំងអធិការដ្ឋានស្រុកឈូក បានចុះបង្ក្រាបករណីប្រើប្រាស់ និងចែកចាយគ្រឿងញៀន នៅភូមិត្រពាំងបឹង ឃុំត្រមែង និងភូមិជ្រៃ ឃុំសត្វពង ស្រុកឈូក និងបានឃាត់ខ្លួនជនសង្ស័យ៦នាក់។ ប្រតិបត្តិការខាងលើបានធ្វើឡើងកាលពីថ្ងៃទី០៨ ខែមីនា ឆ្នាំ២០១៨ វេលាម៉ោង១៧និង១០នាទី។
លោកឧត្តមសេនីយ៍ទោ ម៉ៅ ច័ន្ទមធុរិន្ទ ស្នងការខេត្តកំពតបានឲ្យដឹងជនសង្ស័យទាំង៦នាក់រួមមានទី១-ឈ្មោះ សយ សីហាក់ ភេទប្រុស អាយុ ១៧ឆ្នាំ នៅភូមិ ខ្នាចរមាស ឃុំនារាយណ៍ ស្រុកឈូក។ ទី២-ឈ្មោះ ណុប សោភា ភេទប្រុស អាយុ ១៨ឆ្នាំ នៅភូមិ សត្វពង ឃុំសត្វពង ស្រុកឈូក ។ ទី៣-ឈ្មោះ ជុន ផាន់ ភេទប្រុស អាយុ ១៨ ឆ្នាំ នៅភូមិក្រសាំង ឃុំឈូក ស្រុកឈូក។ ទី៤-ឈ្មោះ ហ៊ី ស្រីនី ភេទស្រី អាយុ ២០ឆ្នាំ នៅឃុំរកាកោង ស្រុកខ្សាច់កណ្តាល ខេត្តកណ្តាល។ ទី៥-ឈ្មោះ ព្រឹក តុលា ភេទប្រុស អាយុ ១៨ ឆ្នាំ នៅភូមិប្រមូល ឃុំត្រមែង ស្រុកឈូក។ និងទី៦-ឈ្មោះ គាំ ដារ៉ូ ភេទប្រុស អាយុ ២០ ឆ្នាំនៅភូមិបាក់នឹម ឃុំជ្រេស ស្រុកជុំគីរី ។ វត្ថុតាងដកហូតៈ ថ្នាំញៀនបានចំនួន ១២ កញ្ចប់តូច។ បច្ចុប្បន្នសមត្ថកិច្ចបានកសាងសំណុំរឿងដើម្បីអនុវត្តតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ7721
- ម្សិលមិញ10851
- សប្តាហ៍នេះ74241
- ខែនេះ189391
- ឆ្នាំនេះ189391
- សរុប20631847